बलेफी गाउँपालिका–१ का युवा व्यवसायी सुजन श्रेष्ठले व्यवसायिक क्षेत्रबाट राजनीतिक यात्रातर्फ अघि बढ्दै राष्ट्रिय स्वतन्त्र पार्टी (रास्वपा)को केन्द्रीय महाधिवेशन प्रतिनिधिसम्मको जिम्मेवारी प्राप्त गरेका छन्।
स्थानीय स्तरमा व्यवसायसँगै सामाजिक गतिविधिमा समेत सक्रिय रहँदै आएका श्रेष्ठ पछिल्लो समय राजनीतिमा आफ्नो सक्रियता बढाउँदै आएका छन्। युवाको सहभागिता, सामाजिक सरोकार र स्थानीय मुद्दालाई प्राथमिकतामा राख्दै राजनीतिक यात्रालाई अघि बढाएका श्रेष्ठको रास्वपाको केन्द्रीय महाधिवेशन प्रतिनिधिसम्मको यात्रा बलेफी–१ मा चर्चाको विषय बनेको छ।
व्यवसायिक अनुभवसँगै सामाजिक तथा राजनीतिक क्षेत्रमा सक्रियता बढाएका श्रेष्ठ अब पार्टीको संगठनात्मक भूमिकामा समेत देखिएका छन्। स्थानीय तहबाट सुरु भएको उनको राजनीतिक सक्रियता केन्द्रीय महाधिवेशन प्रतिनिधिसम्म पुग्नु उनको राजनीतिक यात्राको महत्वपूर्ण चरणका रूपमा हेरिएको छ।
बलेफी–१ का युवा पुस्तामाझ परिचित श्रेष्ठले आगामी दिनमा राजनीति र सामाजिक क्षेत्रमा कस्तो भूमिका निर्वाह गर्छन् भन्ने विषयमा चासो बढेको छ।
सम्बन्धित खवर
